القائمة الرئيسية

الصفحات

مستقبلك وشغلك مابين أحلام جميلة وواقع مزعج

وجهة نظر في تطوير مستواك المهني الوظيفي للوصول لهدفك

بتدور علي شغل ليل نهار ومش لاقي حاجه مناسبة ؟

طبيعي بنسبة كبيرة , والسبب العالم العربي متدني وظيفيا ومعيشيا للاسف وبالتالي فرص عمل اقل بمرتبات ضعيفة والحل ؟!
اشتغل علي روحك علي قد متقدر من غير متخل بالتزاماتك سواء بيت او اسرة او مصاريف ناس حضرتك مسئول عنهم , استثمر في روحك علي قدر المستطاع عشان بعدين حيبقي ليك فرصة افضل من غيرك فانك تحسن من وضعك السئ , خلي بالك مفيش اختيارات , سهل تندب حظك وتعيش تشتكي ومحدش حيحس بيك لان اللي حواليك كتير منهم شبهك بس حقولك علي حاجات نحاول نعملها سوا يمكن حاجة تتغير بأمر الله :
دوامك فالمتوسط 10 ساعات , في ناس شغلها موسمي زي محاسبين الرواتب بيشتغل علي ايام ويريح ايام وفي ناس شغلها متواصل مهمتها حتبقي اصعب شوية بس ممكن في الجمعات واوقات شغلها يبقي مريح شوية حيبقي مطلوب منك التالي :
  • حاول تذاكر من تاني في فمجالك , تقولي اذاكر ونا كبير كدا اقولك العلم مفهوش كبير وصغير الفرق في المعلومات اللي جواك غير كدا ممكن تبقي قد الحيطة وصغير لسه لان معلومتك قليلة.
  • حتذاكر ازاي حقولك , كلنا معانا هواتف سمارت فون وفي لاب توب او جهاز كمبيوتر واللي ميقدرش ممكن يروح لاي مطبعة يطبع مذكرات شرح لاي تخصص بيشتغل فيه , الانترنت مليان منتديات ممكن تنزل منها شرح لاي تخصص وفي فيديوهات علي اليوتيوب وصدقني متفهش من الموضوع لاتي بنفسي عرفت حاجات فمجال تخصصي من الانترنت كنت بتنح قصادها زمان والنتيجة بقيت واخد وضع معين في شغلي لو كسلت زي زمان كان زماني محلك سر.
  • حاول تستفيد من كورسات اللغات سواء الانجليزية وهي الاساس او اي لغة تانية لان الخليج حاليا بيصفي وحضرتك عارف كدا ومش حيكون في مجال للعمالة العادية اللي بتتكرر ولازم يبقي عندك حاجه غيرك محتاجها عشان تكمل في شغلك.
  • عارف ان في واسطة ومشاكل كتير بس انت بتعمل اللي عليك وافتكر دايما ان ربنا مبيضيعش تعب حد وحتي لو رجعت بلدك حيبقي عندك معلومة جديدة وخبرة متطورة من مذاكرتك واجتهادك تقدر تبني عليها حتي لو حتتعب بس ينفع تعيش.

نصائح بسيطة في مجال عملك نفسه داخل حدود الشركة او المؤسسة :

  1. من كثر كلامه كثر خطأه , كلنا نعرف كدا , اقفل علي روحك وخليك في حالك مش تناكه بالعكس تركيز وهيبة.
  2. الاهتمام بالتفاصيل لان اللي بيفرق شخص عن غيره حاجات بسيطة كلنا في الزكاء او العقول متقاربين بس الفرق واحد بيخلص شغله للاخر والتاني بيحب يسيب وراه ديل "أبقي اكمل بكره".
  3. المجازفة مطلوبة دايما شرط انك تحسبها بلاش تبقي المقفول علي نفسك اللي حيغرق لو ساب الشركة وجازف بحاجة احسن بشرط تاني انك تحسبها صح وتركز متغمضش وتمشي.
هل اعجبك الموضوع :

تعليقات

محتويات المقال