ماذا تفعل اذا كنت مقيم في مصر وحصلت علي عقد عمل بدولة الكويت
تفاصيل انهاء اجراءات السفر من مصر للعمل بدولة الكويت وجاءت كالتالي :
- بمجرد الحصول علي عقد العمل المرسل اليك من المكتب او عبر البريد او اي وسيلة النسخة الاصلية وعدم الممانعة او الفيزا قم بعمل نسخ منها لانك ستحتاجها.
- استخراج فيش وتشبيه مسبب بالسفر الي دولة الكويت وقم بتوثيقه من الادلة الجنائية والخارجية مع العلم لها اماكن منتشرة في محافظات الجمهورية.
- مشوار الحجر الصحي الكويتي بالجيزة وتحديدا في الدقي وافضل وسيلة بمجرد وصولك القاهرة لو انت مقيم خارجها المترو وتنزل الدقي وتسال علي الحجر الصحي حتلاقيه قريب ممكن تمشيه متفرع من شارع السد العالي وانت راجع باتجاه البنزينة ومتركبش تاكسي لانه حيلف بيك عشان العداد مع انك لو رجعت ومكملتش الشارع في الاتجاه الاجباري حتوصل اسرع.
- الرسوم اللي حتدفعها في الحجر الصحي بمبلغ 2210 جنيه في المقابل الحصول علي 3 ايصالات الاول للكشف الطبي في المستشفي اللي حيوجهك عليه في المهندسين علي الاغلب والثاني لمعامل وزارة الصحة وحتدفع هناك 500 جنيه رسوم التحاليل , والثالث بتحتفظ بيه لانك حتستلم بيه اوراقك بعد ظهور النتيجة 20 يوم , وتقدر تتابع النتيجة من خلال موقع المعامل علي الانترنت من هنا : اضغط هنا للحصول علي النتيجة.
- ان شاء الله وقت النتيجة متظهر ويتصلوا بيك لاستلام الاوراق حترجع الحجر الصحي في الدقي بالوصل اللي لسه معاك وتجهز 1650 جنيه حتسددهم في البنك اللي حتسالهم عليه هناك مش متذكر اسمه بس هو الوحيد في المنطقة وقريب جدا من الحجر الصحي .
- كدا الكشف خلص بقي الخطوة اللي اغلب السماسرة والمناديب بتحارب عشان انت متعملهاش ويقولك انا حخلصلك كل حاجه عشان الوقت وهي الذهاب لمجمع التحرير وهنا بتكتشف الصدمة لو كان نصاب او صادق لان المعلومات الخاصة بالشركة وكل تفاصيل التعاقد بيكونوا علي علم بيها وبيحذروا الناس قبل السفر لو في مشكلة في الشركة او المكتب الوسيط.
- علي فرض انك مطمن برضه اسال مش حتخسر حاجه علي الشركة والمكتب للتاكيد , لو بتفكر توفر حترجع تاني الطريق الرئيسي باتجاه كوبري قصر النيل وتكمل مشي للمجمع , حتطلع الدور الثالث الحاص بالقوي العاملة المصرية تسلم اوراقك من ( سمة الدخول او عدم الممانعة , عقد العمل الاصلي معتمد من الكفيل وعليه الاختام والتوثيقات , اصل جواز السفر اللي هو اصلا مبيفارقكش في كل مراحل انهاء الاجراءات , البطاقة الشخصية , الفيش اللي عملته ووثقته , عدد 10 صور شخصية خلفية بيضاء + عدد 10 صور شخصية خلفية زرقاء مبلغ 1000 جنيه ) وتعمل اللي يطلب منك وتستني 15 يوم وتروح تستلم ورقك وتحجز وتتوكل علي الله علي فم الخليج.
بالتوفيق للجميع مع تحيات مدونتكم اعلانات وظائف الكويت